（二）　“點算好，君呀你家貧親又老，八千條路咁就冇一點功績。虧我流落呢處天涯，家書又不到。君歸南嶺，我苦住京都。長劍雖則有靈，本日未吐。新篁落籜，或者有日插天高。孫山名落紅顏槁。綠柳撩人重慘過利刀。金儘床頭清酒懶做。無物可報，珠淚穿成素。君呀，你去歸條路，替我帶得到家無。”

《揀心》，招子庸作品

“除卻了阿九，重有邊一個及得佢咁**。任得你靚到鬼火咁苦楚，都要讓佢幾分。呢佢兩頰桃花，不消搽脂蕩粉。石榴裙下，充滿不二之臣。講到佢抱起琵琶，就越唔洗問。唱到關王廟相會，佢重句句咁傾慕。**一曲，的是不凡品。鶯喉委宛，真係蕩人魂。知否月不常圓花易落。紅燈夜夜，應當要早覓知心。妹呀，歡愉風騷非長幸。你碰到個真情者，你就要格外留意。淨係替個養母財，非你本份。我勸你求簽拜佛，應當問番紙本身，因為年紀係會漸高，麵貌會漸退，疇前恩客會變作陌路之人。妹呢，你性本係咁聰明，你常日係咁謹慎，又知否黃金難買疇昔左既工夫，所謂樹高千丈又何必問，人無歸結，好極都係閒聞。麵對個天下，你漸漸想真，喉就會噎哽。酒壺拈起，眼淚粘喉吞。總之唔獲得上街呢，千日都係無倚憑。試問從良個兩個字呀，妹呀，你想透唔曾。你知否多少癡男，為你賤視封侯印，知否情到深時會恨更深，總之花債未完都非福分，休再混，望你離開苦海，好過我步上青雲。”

“桃花扇，寫斷腸詞，寫到情深扇都會慘淒。命冇薄得過桃花，情冇薄得過紙。紙上桃花，薄更可知。君呀，你既寫花容，先要曉得花的意義。芳華可貴，莫誤花時。我想絕世風騷都冇乜好持。秋風團扇，怨在深閏。寫出萬葉千花，都為情一個字。唔係你睇侯公子李香君，唔係情重，點得遇合佳期。”

“你唔係乜靚啫，做乜一見我就心傷。想必你未出世就整定**當代惹我斷腸。你係宿世種落呢根苗，當代正有花粉孽賬。故此我搏命去尋花，正碰到你呢朵異香。紅粉見儘萬千，唔似得你咁樣。相逢過一麵，番去起碼有旬日考慮。捨得死咯敢話死去會番生，我又同你死賬。難為我真正死咯，嗰陣你話冇乜相乾，呢會俾個天上跌個落嚟，我亦唔敢去亂想。真真要包涵，莫話粒聲唔出就掉轉心腸。”

“淨水燈芯煲白果，公然明淨怕乜你心多。白紙共薄荷包俾過我，薄情如紙你話奈乜誰何。圓眼沙梨包幾個，眼底共你分開臨時放疏。絲線共花針，你話點穿得眼過。真正係錯，總要同針合線正結得絲蘿。”